როგორ შევარჩიოთ კონდიციონერი
ცხელი ზაფხულის მოახლოებასთან ერთად, კონდიციონერის შეძენა ბევრისთვის აქტუალური ხდება. ბაზარზე არსებული მრავალფეროვანი მოდელები არჩევანის გაკეთებას ართულებს. ამ სტატიაში გაგიზიარებთ რჩევებს, რომლებიც დაგეხმარებათ თქვენთვის შესაფერისი კონდიციონერის შერჩევაში.
1. განსაზღვრეთ ოთახის ფართობი
კონდიციონერის სიმძლავრე უნდა შეესაბამებოდეს ოთახის ფართობს. ჩვეულებრივ, ითვლება, რომ თითოეულ კვადრატულ მეტრზე საჭიროა დაახლოებით 100 ვტ სიმძლავრე. მაგალითად, 20 კვ.მ. ოთახისთვის რეკომენდებულია დაახლოებით 2 კვტ სიმძლავრის კონდიციონერი.
ტექნიკის აღწერილობაში ეს მაჩვენებელი ხშირად მითითებულია, თუმცა სპეციალისტები გვირჩევენ, რომ არჩევანი ოდნავ უფრო მძლავრ მოდელზე შევაჩეროთ. ასეთი არჩევანი უზრუნველყოფს ტექნიკის უფრო ხანგრძლივ ექსპლუატაციას და ოთახში სასურველი ტემპერატურის მიღწევას ნაკლებ დროში.
იხილეთ კონდიციონერების ჩამონათვალი რეკომენდირებული ფართის მიხედვით: 10-20 მ²; 20-30 მ²; 30-40 მ²; 50-60 მ²; 70-80 მ².
2. გაითვალისწინეთ დამატებითი ფაქტორები
- ოთახში მყოფი ადამიანების რაოდენობა
- მზის პირდაპირი სხივების ხანგრძლივობა
- საყოფაცხოვრებო ტექნიკა, რომელიც სითბოს გამოყოფს (მაგ. მაცივარი)
3. აირჩიეთ კონდიციონერის ტიპი
სპლიტ-სისტემა – განსაკუთრებით პოპულარულია. შედგება გარე და შიდა ბლოკებისგან. იძლევა მაღალ ეფექტურობას და შედარებით დაბალ ხმაურს.
დასადგამი/პორტატული კონდიციონერი – მარტივად გადასატანია და არ საჭიროებს მყარ მონტაჟს, თუმცა შედარებით ნაკლებ ეფექტურია დიდ სივრცეებზე.
4. განიხილეთ მულტი-სპლიტ სისტემები
თუ გაქვთ რამდენიმე ოთახი, მულტი-სპლიტ სისტემის დახმარებით შეგიძლიათ ერთი გარე ბლოკით რამდენიმე შიდა ბლოკის მართვა, რაც სივრცის ოპტიმიზაციასა და ენერგიის ეკონომიას უზრუნველყოფს.
5. ყურადღება მიაქციეთ ენერგოეფექტურობას
ინვერტორული კონდიციონერები On-Off-თან შედარებით გაცილებით ეფექტურია – ისინი ახდენენ ძრავის ტემპერატურულ ადაპტაციას, რაც ამცირებს ენერგომოხმარებას 20-50%-მდე და ახანგრძლივებს ტექნიკის სიცოცხლეს.
6. დამატებითი ფუნქციები
- Wi-Fi მართვა მობილური აპლიკაციით
- ძილის რეჟიმი და ტაიმერი
- ჰაერის იონიზაცია და მტვრის ფილტრები
დასკვნა და როგორ შევიძინოთ იდეალური კონდიციონერი
კონდიციონერის სწორად შერჩევა არა მხოლოდ კომფორტს, არამედ ენერგოეფექტურობასა და ხარჯების შემცირებასაც უზრუნველყოფს. ოთახის ზომის, ენერგოეფექტურობის კლასისა და დამატებითი ფუნქციების გათვალისწინებით, შეძლებთ იპოვოთ ისეთი მოდელი, რომელიც სრულად უპასუხებს თქვენს საჭიროებებს.
თუ ეძებთ ხარისხიან და საიმედო კონდიციონერს ყველაზე მისაღებ ფასად, გთავაზობთ ინვერტორულ და On-Off კონდიციონერების ფართო ასორტიმენტს, სწრაფი მიწოდებას და გარანტირებული ხარისხს.
