კანონისმიერი გარანტია

მომხმარებლის უფლებების დაცვის შესახებ საქართველოს კანონით განსაზღვრული მომხმარებლის უფლებებია:

1. თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.

2. საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.

3. საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.

4. საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.

5. მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:

  • ა) ამ მუხლის მე-3 პუნქტის შესაბამისად საქონლის შეკეთება ან შეცვლა შეუძლებელია;
  • ბ) მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
  • გ) მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.

6. მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.

7. მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.

8. იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული უნდა იქნეს შემდეგი პირობები:

  • ა) საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში;
  • ბ) საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი;
  • გ) საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.

 

მომხმარებლის უფლებების დაცვის შესახებ საქართველოს კანონით განსაზღვრული მტკიცების ტვირთი:

  1. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება;
  2. გამყიდველი ვალდებულია შეაკეთოს ან შეცვალოს სერვის-ცენტრში ნივთის მიღების მომენტიდან არაუგვიანეს 30 სამუშაო დღის განმავლობაში (არ შედის შაბათ-კვირა და ოფიციალური დასვენების დღეები);
  3. კანონისმიერი გარანტია არ ვრცელდება მეწარმე/იურიდიულ პირებზე;
  4. მყიდველი ვალდებულია გახსნას შეძენილი/მიღებული ნივთი, დაათვალიეროს და ხელმოწერით დაადასტუროს რომ ნივთს არ გააჩნია ვიზუალური ნაკლი.

 

საგარანტიო მომსახურება არ ვრცელდება თუ:

– გასულია ნივთის საგარანტიო ვადა; – საგარანტიო ბარათში მონაცემები შეცვლილია, წაშლილია ან დაზიანებულია;

– ნივთის გამოყენება მოხდება მისი დანიშნულების შეუსაბამო მიზნ(ებ)ით; – დაზიანებულია ან ამძვრალია არსებული ლუქი ან ლპომბი;

– დაზიანებულია ოპერაციული სისტემა ან ნებისმიერი პროგრამული უზრუნველყოფა;

– შეძენილი ნივთის გამოყენება მოხდა კომერციული ან სამეწარმეო მიზნებისთვის;

– ნივთი ფიზიკურად დაზიანებულია, მათ შორის:

  • აღენიშნება ვიზუალური ან მექანიკური დეფექტი (გაკაწრული, გაბზარული, ჩაჭყლეტილი, გატეხილი, დამდნარი, დამწვარი, დეფორმირებული. მათ შორის იმ შემთხვევაში, თუ მოდელის სპეციფიკაციაში მითითებულია დაზიანების საწინააღმდეგო ფუნქციის არსებობა);
  • დანესტიანებით ან წყლით დაზიანებით (მათ შორის იმ შემთხვევაში, თუ მოდელის სპეციფიკაციაში მითითებულია დაზიანების საწინააღმდეგო ფუნქციის არსებობა);
  • კოროზიით;
  • არასტანდარტული ძაბვის გამო დაზიანებით, მაღალი ან დაბალი ტემპერატურის ზემოქმედებით;
  • პროდუქციის ექსპლუატაციის წესების დარღვევით (ექსპლუატაციის წესები იხილეთ პროდუქციის თანდართულ დოკუმენტაციაში ან მწარმოებლის ოფიციალურ ვებგვერდზე);
  • შენახვის წესების დარღვევით (არასანიტარულ პირობებში შენახვისა და მოხმარების შემთხვევაში);
  • ლეპტოპის, მონიტორის, ტელეფონის, ან ფოტოაპარატის ეკრანზე განსაზღვრული რაოდენობის მკვდარი წერტილების არსებობის შემთხვევაში (დეტალური ინფორმაცია იხილეთ მწარმოებლის ოფიციალურ ვებგვერდზე);
  • არაკომპეტენტური (მომსახურების ავტორიზებული სერვის ცენტრის გარეთ) პირების მიერ ჩატარებული არაკვალიფიციური სარემონტო სამუშაოების შედეგად;
  • შეცვლილია, წაშლილია ან დაზიანებულია ქარხნული სერიული ნომერი.

ტექნიკაზე ჩამქრალი მწარმოებლის მიერ დადგენილი რაოდენობის პიქსელი ქარხნულ წუნად არ ითვლება. შესაბამისად მოცემოული გარემოება არ წარმოადგენს ქარხნულ წუნს.