შეთანხმების პირობები

ზოგადი ინფორმაცია

როდესაც განახორციელებთ შეკვეთას თქვენ ავტომატურად აცხადებთ თანხმობას ვებგვერდის წესებსა და პირობებზე. შეკვეთის შემდგომ თქვენ მიიღებთ ავტომატურ დასტურს იმეილის საშუალებით, გთხოვთ გაითვალისწინოთ, რომ შეკვეთა არ ითვლება დასრულებუად. შეკვეთის საბოლოო დასრულება ნიშნავს ნივთის მითითებულ მისამართზე მოწოდებას.

შეკვეთამდე მომხმარებელი ვალდებულია გაეცნოს საიტზე ნივთის მითითებულ მახასიათებლებს. შეკვეთის გაფორმება ნიშნავს, რომ არ აცხადებს პრეტენზიას ნივთის რომელიმე მახასიათებელზე რაც მითითებულია საიტზე.

ფასები საიტზე მოცემულია ლარში დღგ-ს ჩათვლით. ფასები, შეთავაზებები და აქციები შეიძლება შეიცვალოს ნებისმიერ დროს ადმინისტრაციის მიერ.

მიწოდების პირობები

თბილისში შეკვეთის მიწოდების ვადაა 1-2 სამუშაო დღე, ხოლო რეგიონებში 2-5 სამუშაო დღე. თბილისის მასშტაბით საკურიერო მომსახურება უფასო ან ფასიანი, რომელიც განსაზღვრულია თითოეული ნივთისთვის, გამონაკლის შემთხვევებში ღირებულება თანხმდება ოპერატორთან შეკვეთის დაფიქსირების დროს.

კურიერის მხრიდან ნივთის მიწოდების და მომხმარებლის მიერ ჩაბარების შემდგომ შპს „ეი სოლუშენსი“ (ს/ნ: 416373604) ქვემოთხსენებული ვალდებულებების დარღვევის შემთხვევაში იხსნის ყოველგვარ პასუხისმგებლობას ნივთე(ებ)ის დაზიანებაზე/რაოდენობაზე/მახასიათებლებზე.

მომხმარებელმა ვადლებულია დაზუსტებით გაეცნოს და დაიცვას მოცემული პირობები:

ჩაბარების მომენტში ყურადღებით უნდა შეამოწმოს ნივთ(ებ)ის გარეგანი მდგომარეობა და კურიერის მიერ გადაცემულ მიღება-ჩაბარების აქტზე ხელმოწერით დაადასტუროს, რომ: ჩაიბარა შემოწმებული, ფიზიკურად უნაკლო ნივთ(ებ)ი;
არ ჩაიბაროს დაზიანებული შეფუთვით მიტანილი გზავნილი და ამ ფაქტის შესახებ დაუყოვნებლივ აცნობოს გამყიდველს;
გახსნას გზავნილი მის ჩაბარებამდე სანამ კურიერთან მოხდება ხელმოწერით დადასტურება და დარწმუნდეს დაზიანების არსებობის/არარსებობის შესახებ;
გზავნილის ჩაბარებამდე შეამოწმოს ნივთების რაოდენობა;
გზავნილის ჩაბარებამდე შეამოწმოს მიღებული ნივთ(ებ)ის მახასიათებელები, თუ შეესაბამება მის მიერ შეკვეთილ ნივთ(ებ)ს.

იმ შემთხვევაში, თუ დაზიანებულია ნივთი ან მისი შეფუთვა, ნივთები შეკვეთილ რაოდენობაზე ნაკლებია ან გზავნილი შეუსაბამობაშია მომხმარებლის მიერ განხორციელებულ შეკვეთასთან, მომხმარებელმა არ უნდა მიიღოს ნივთი და ამის შესახებ უნდა აცნობოს “ეი სოლუშენსი”-ს მხარდაჭერის ჯგუფს მოცემულ ელფოსტაზე: orders@ashop.ge, ან დაუკავშირდეს საინფორმაციო ნომერზე: +995 555 11 00 66.

ასევე შპს “ეი სოლუშენსი” პასუხს არ აგებს მომხმარებლის მიერ მიწოდების წესებით გათვალისწინებული პირობების დარღვევის შედეგად წარმოქმნილ გზავნილის ზიანზე.

გარანტია *

ჩვენს მაღაზიაში შეძენილ პროდუქციაზე ვრცელდება ბრენდის ოფიციალური გარანტია და ემსახურებიან მათ მიერ ავტორიზებული სერვის ცენტრები.

ᲙᲐᲜᲝᲜᲘᲡᲛᲘᲔᲠᲘ ᲒᲐᲠᲐᲜᲢᲘᲐ

მომხმარებლის უფლებების დაცვის შესახებ საქართველოს კანონით განსაზღვრული მომხმარებლის უფლებები:

თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.
საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.
საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.
საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.
მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა: ა) ამ მუხლის მე-3 პუნქტის შესაბამისად საქონლის შეკეთება ან შეცვლა შეუძლებელია; ბ) მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა; გ) მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.
მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.
მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.
იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული უნდა იქნეს შემდეგი პირობები: ა) საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში; ბ) საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი; გ) საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.

მომხმარებლის უფლებების დაცვის შესახებ საქართველოს კანონით განსაზღვრული მტკიცების ტვირთი:

თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება;

გამყიდველი ვალდებულია შეაკეთოს ან შეცვალოს სერვის-ცენტრში ნივთის მიღების მომენტიდან არაუგვიანეს 30 (ოცდაათი) სამუშაო დღის განმავლობაში (არ შედის შაბათ-კვირა და ოფიციალური დასვენების დღეები);

კანონისმიერი გარანტია არ ვრცელდება მეწარმე/იურიდიულ პირებზე.

ᲙᲝᲛᲔᲠᲪᲘᲣᲚᲘ ᲒᲐᲠᲐᲜᲢᲘᲐ

იმ შემთხვევაში, თუ მწარმოებლის მიერ დადგენილი საგარანტიო ვადა 2 წელზე მეტია, 2 წლის გასვლის შემდგომ, ნივთზე ნაკლის აღმოჩენის შემთხვევაში, არ ვრცელდება კანონისმიერი გარანტია ასეთი გარანტია წარმოადგენს კომერციულ გარანტიას. მოხდება მხოლოდ ნივთის შეკეთება მოცემული საგარანტიო ფურცელით განსაზღვრული პირობების შესაბამისად არაუგვიანეს სერვის ცენტრში ნივთის წარმოდგენიდან 30 (ოცდაათი) სამუშაო დღის ვადაში.

კომერციული გარანტიის შემთხვევაში, თუ შეუძლებელია ნივთის შეკეთება ან ნივთი აღნიშნულ ვადაში ვერ შეკეთდა, მოხდება ნივთის შეცვლა ახალი იგივე პროდუქტით, ასეთის არარსებობის შემთხვევაში, მომხმარებელთან შეთანხმებით ჩანაცვლდება იდენტური სპეციფიკაციის სხვა მოდელით ან შეწყდება ხელშეკრულება და დაბრუნდება გადახდილი ღირებულება. იცვლება მხოლოდ დეფექტური ნივთი და არა სრული კომპლექტაცია (აქსესუარები და სახარჯი მასალები, შეფუთვა, ყუთი).

კანონისმიერი და კომერციული საგარანტიო მომსახურება არ ხორციელდება თუ:

გასულია საგარანტიო ვადა;
საგარანტიო მომსახურების ბარათში მონაცემები შეცვლილია, წაშლილია ან დაზიანებულია;
არ არის წარმოდგენილი შესყიდვის დამადასტურებელი დოკუმენტი ან საგარანტიო მომსახურების ბარათი და შესაბამისად შეუძლებელია საქონლის იდენტიფიცირება;
მოწყობილობის კორპუსზე არ იკითხება ან ამძვრალია სერიული ნომერი, იმეი კოდი და შესაბამისად შეუძლებელია საქონლის იდენტიფიცირება;
ნივთის ზიანი გამოწვეულია მექანიკური ზემოქმედების შედეგად და არ წარმოადგენს თავდაპირველ წუნს;
მოწყობილობა გამოიყენებოდა არა პირადი მოხმარების მიზნით, არამედ კომერციული მიზნებისათვის;
დაზიანება/წუნი გამოწვეულია პლომბის ან ლუქის აძრობით;
წუნი გამოწვეულია, მწარმოებლის/გამყიდველის მიერ მოწყობილობაზე თანდართული შენახვისა და მოხმარების წესის დარღვევის გამო;
დაზიანება გამოწვეულია კომპიუტერული ვირუსის ან შეუსაბამო ფაილ(ებ)ის გამოყენების შედეგად;
დაზიანება გამოწვეულია მოწყობილობის ფუნქციონირების ადგილზე ელ.ქსელის გაუმართაობით ან ელექტროენერგიის მომწოდებელი კომპანიის ბრალით;
წუნი გამოწვეულია მომხმარებლის მიერ ექსპლუატაციის და შენახვის წესების/პირობების დარღვევით;
წუნი, რომელიც გამოწვეულია, მოხმარებლის მიერ ჩატარებული არაკვალიფიკაციური სარემონტო/სამონტაჟო სამუშაოების შედეგად;
წუნი გამოწვეულია მომხმარებლის მიერ დარუთული სისტემისა და არალიცენზირებული პროგრამების გამოყენების გამო;
ტექნიკის წუნზე, რომელზეც სამონტაჟო ან საგარანტიო სამუშაოები შესრულებულია მოვაჭრის ინსტრუქციის დარღვევით, არაუფლებამოსილი სერვის ცენტრის სპეციალისტის მიერ, რამაც გამოიწვია ნივთის დაზიანება;

მომხმარებელი სერვისის მოთხოვნის შემთხვევაში არ დატოვებს ნივთს დიაგნოსტიკისთვის ან უარს იტყვის დიაგნოსტიკის მიზნით ნივთის გახსნაზე, საგარანტიო მომსახურება ვერ განხორციელდება.

დაბრუნების პირობები

Ashop.ge (შპს „ეი სოლუშენსი“ ს/ნ: 416373604) ზრუნავს თითოეულ მომხმარებლელზე, შესაბამისად ვცდილობთ ჩვენს მიერს შეთავაზებული პროდუქცია იყოს მაღალი ხარისხის და მაქსიმალურად დავაკმაყოფილოთ ჩვენი მომხმარებლის სურვილები. ჩვენ ვთავაზობთ მომხმარებლებს ნივთ(ებ)ის გამოცვლას ან თანხის დაბრუნებას ქვემოთ მითითებული პირობების შესაბამისად.

1) ნივთ(ებ)ის უკან დაბრუნება, თუ უბრალოდ მომხმარებელმა გადაიფიქრა შეძენა. დაბრუნება არ ვრცელდება შემდეგ შემთხვევებზე თუ:

მომხმარებლის მიერ დარღვეულია ნივთის შეფუთვა (ლუქი, ყუთი, პარკი);
დალუქული აუდიო-ვიდეო ჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა;
ნივთის ღირებულება 30 ლარს არ აღემატება;
ნივთ(ებ)ს არ ახლავს შეძენის დროს თანდართული ყველა თანმხლები ნაწილი (მაგ: საგარანტიო ფურცელი, აქსესუარები, ნივთზე თანმხლები სხვა დოკუმენტები და სხვა);
ჰერმეტულად დაცული ნივთის შემთხვევაში, მისი ჰერმეტულობა მიწოდების შემდეგ დაირღვა და ნივთის დაბრუნება შეუძლებელია ჯანმრთელობის ან ჰიგიენური ნორმების დაცვის გამო;
ნივთ(ებ)ი, რომელთა მიმართ არ არის დაცული ექსპლუატაციის პირობები;
მიწოდებული ნივთი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა ნივთს;
გახსნილია ჰიგიენური ნივთ(ებ)ი (ყურსასმენი, ეპილატორი, ტრიმერი, თმის საკრეჭი, წვერსაპარსი, კბილის ჯაგრისი და სხვა);
ნივთ(ებ)ის, რომლის მიწოდების შემდეგ გამყიდველის მხრიდან განხორციელდა მონტაჟის/მომსახურების ხარჯები. გამყიდველმა ხელშეკრულებით გათვალისწინებული მომსახურება სრულად გასწია და მომსახურების გაწევა დაიწყო მომხმარებლის წინასწარი თანხმობით;
მოხდა დამატებითი მომსახურება, რომელიც განხორციელდა მიწოდების შემდეგ (მონტაჟი, წმენდა, პროგრამების ინსტალაცია და სხვა);
ნივთ(ებ)ი, რომელ(ებ)საც აღმოაჩნდება რაიმე სახის ფიზიკური/ტექნიკური წუნი, განსხვავებით ჩაბარების მომენტისა, სადაც მომხმარებელმა ხელი მოაწერა, რომ ჩაიბარა გარეგნულად უნაკლო ნივთ(ებ)ი.

ყურადღებით შეამოწმეთ ნივთ(ებ)ი ჩაბარების მომენტში და კურიერის მიერ გადმოცემულ მიღება-ჩაბარების აქტზე შემდეგ დაადასტურეთ ხელმოწერით. რადგან ხელმოწერით თქვენ ადასტურებთ, რომ ჩაიბარეთ შემოწმებული, ფიზიკურად უნაკლო პროდუქტი.

2) გამყიდველის ვერ ასრულებს დანაპირებს თუ:

ვერ ხერხდება საგარანტიო მომსახურეობის შესრულება;
შეკვეთის დასრულება შეუძლებელია ნივთის არ ქონის გამო;
მიღებული ნივთი რეალურად არ შეესაბამება ონლაინ მაღაზიაში შეძენილ ნივთს;
ნივთი დაზიანებული მივიდა მომხმარებლამდე;
მომხმარებლამდე ნივთ(ებ)ის მიწოდება ვერ მოხერხდა შეთანხმებულ დროში.

თუ გამყიდველი ვერ ასრულებს დანაპირებს ნივთის დაბრუნების/შეცვლის შემთხვევაში არსებული მომსახურების ხარჯების დაფარვის ვალდებულება ეკისრება გამყიდველს.

ნივთის ქარხნული წუნის აღმოჩენის შემთხვევაში მომხმარებელმა შეუძლია ისარგებლოს საგარანტიო პირობებით.

მომხმარებლის საყურადღებოდ!

თუ მომხმარებელი გადაწყვეტს ნივთის დაბრუნებას, აუცილებელია ნივთ(ებ)ის მიღებიდან 14 დღის განმავლობაში დააფიქსიროს მოთხოვნა მოცემულ ელფოსტაზე orders@ashop.ge და გამყიდველის მხრიდან დასტურის შემდეგ მომხმარებელმა ნივთი და მისი თანმხლები ნაწილ(ებ)ი გონივრულ ვადაში უნდა მიიტანოს გამყიდველის მიერ მითითებულ მისამართზე.

ნივთის დაბრუნების დროს წარმოქმნილი ყველა ხარჯის ანაზღაურების პასუხისმგებლობა ეკისრება მომხმარებელს.

ნივთ(ებ)ი, რომელთა დაბრუნებაც სურთ მომხმარებელს , იმყოფება მომხმარებელის პასუხისმგებლობის ფარგლებში, მათი დაზიანების/დაღუპვის რისკი ეკისრება მომხმარებელს, სანამ ისინი არ მიაღწევენ გამყიდველის მიერ მითითებულ ადგილამდე.

მომხმარებლის მხრიდან ნასყიდობის ხელშეკრულებაზე უარის თქმის შემთხვევაში გამყიდველს უფლება აქვს, უარი თქვას თანხის დაბრუნებაზე მანამ, სანამ სრულად არ დაიბრუნებს გაყიდულ ნივთ(ებ)ს.

ნივთის უნაკლო/გაყიდვამდელი მდგომარეობის დადასტურდება მოხდება დაბრუნების პუნქტში, მომხმარებლის მიერ მყიდველზე ნივთ(ებ)ის გადმოცემის მომენტში.

გამყიდველის მხრიდან მომხმარებელზე თანხის დაბრუნება ხდება იგივე ფორმით, რა ფორმითაც მოხდა თავდაპირველი ანგარიშსწორება. თანხის დაბრუნების მაქსიმალური ვადა – 14 სამუშაო დღე.

ნივთის დაბრუნება შესაძლებელია მხოლოდ სრული კომპლექტაციით დაუზიანებელი ქარხნული შესაფუთი მასალით. ასევე მომხმარებელი ვალდებულია, შეძენილ ნივთთან ერთად დააბრუნოს შეძენის მომენტში მიმდინარე აქციის ფარგლებში მიღებული აქსესუარ(ებ)ი, ელ.ვაუჩერ(ებ)ი და სხვა ნივთ(ებ)ი. თუ ვერ მოახერხებს აღნიშნული აქსესუარ(ებ)ის, ელ.ვაუჩერ(ებ)ის და სხვა ნივთ(ებ)ის დაბრუნებას მათი ღირებულება გამოაკლდება გამყიდველის მხრიდან მომხმარებლისთვის ასანაზღაურებელ თანხას.

ზემოთხსენებული პირობები არ ზღუდავს მომხმარებელს, რომ ისარგებლოს “უფლებების დაცვის შესახებ საქართველოს კანონით” მისთვის მინიჭებული უფლებებით.